ఓబులవారిపల్లి మండలంలో ఉత్సాహంగా సాగిన ఎన్నికల ప్రచారం

ఓబులవారిపల్లి మండలంలో ఉత్సాహంగా సాగిన ఎన్నికల ప్రచారం
రైల్వే కోడూరు జై భీమ్ వాయిస్ టుడే:+
​రైల్వే కోడూరు నియోజకవర్గానికి చెందిన ఓబులవారిపల్లి మండలంలోని ముక్కావారిపల్లి, తురకపల్లి గ్రామాలలో ఎన్నికల ప్రచార కార్యక్రమం ఘనంగా సాగింది. ఈ సందర్భంగా ముక్కా వరలక్ష్మి స్థానిక నివాసితులను నేరుగా కలుసుకుని, ప్రజాస్వామ్య ప్రక్రియలో భాగస్వాములు కావాలని విజ్ఞప్తి చేశారు. మండల పరిషత్ ప్రాంతీయ నియోజకవర్గ అభ్యర్థి కవిత విజయాన్ని కాంక్షిస్తూ సాగిన ఈ కార్యక్రమంలో గ్రామస్తుల నుంచి మంచి స్పందన లభించింది. ప్రజా ప్రయోజనాలే ధ్యేయంగా ముందుకు సాగుతున్న కూటమి అభ్యర్థిని భారీ మెజార్టీతో గెలిపించాలని ఈ సందర్భంగా కోరడం జరిగింది. ఈ ప్రచార కార్యక్రమంలో వివిధ భాగస్వామ్య పక్షాల ప్రతినిధులు, స్థానిక నాయకులు విశేష సంఖ్యలో పాల్గొని తమ మద్దతు తెలిపారు.