రాష్ట్రస్థాయి బేస్ బాల్ క్రీడోత్సవాలు ప్రారంభం: క్రీడలతోనే యువతకు ఉద్యోగ, ఉపాధి అవకాశాలు

రాష్ట్రస్థాయి బేస్ బాల్ క్రీడోత్సవాలు ప్రారంభం: క్రీడలతోనే యువతకు ఉద్యోగ, ఉపాధి అవకాశాలు
రైల్వే కోడూరు జై భీమ్ వాయిస్ టుడే:
​తిరుపతి జిల్లా రైల్వేకోడూరు నియోజకవర్గ పరిధిలోని పుల్లంపేట మండలంలో 13వ రాష్ట్రస్థాయి బేస్ బాల్ పోటీలు మంగళవారం ఘనంగా ప్రారంభమయ్యాయి. ఈ క్రీడా సంబరానికి ఆమదాలవలస శాసనసభ్యుడు కూన రవికుమార్ ముఖ్య అతిథిగా హాజరయ్యారు. ఆయనతో పాటు తెలుగుదేశం పార్టీ రాష్ట్ర సాంస్కృతిక విభాగ అధ్యక్షుడు పంతగాని నరసింహప్రసాద్ కూడా ఈ కార్యక్రమంలో విశిష్ట అతిథిగా పాల్గొన్నారు. క్రీడాకారులను ఉద్దేశించి మాట్లాడిన నాయకులు, క్రీడలు శారీరక దృఢత్వానికే కాకుండా యువత భవిష్యత్తుకు, ఉద్యోగ ఉపాధి అవకాశాలకు ఎంతగానో దోహదపడతాయని పేర్కొన్నారు. గ్రామీణ ప్రాంతాల్లో ఉన్న క్రీడా ప్రతిభను వెలికితీసేందుకు ఇటువంటి పోటీలు ఎంతో ఉపకరిస్తాయని అభిప్రాయపడ్డారు. పోటీల్లో పాల్గొంటున్న క్రీడాకారులు గెలుపోటములను సమానంగా స్వీకరిస్తూ క్రీడాస్ఫూర్తిని చాటాలని పిలుపునిచ్చారు. అత్యంత ఉత్సాహభరిత వాతావరణంలో జరిగిన ఈ ప్రారంభోత్సవ కార్యక్రమంలో పలువురు ప్రజాప్రతినిధులు, స్థానిక నాయకులు, పార్టీ కార్యకర్తలు మరియు పెద్ద సంఖ్యలో క్రీడాభిమానులు పాల్గొన్నారు.