రాజకీయ కాకరేపుతున్న స్వతంత్ర అభ్యర్థి గుత్తి నరసింహ రాజకీయ ప్రచారం

రాజకీయ కాకరేపుతున్న స్వతంత్ర అభ్యర్థి గుత్తి నరసింహ రాజకీయ ప్రచారం
రైల్వే కోడూరు జై భీమ్ వాయిస్ టుడే:
ప్రజాసమస్యల పరిష్కారమే పరమావధిగా సాగిన రెండేళ్లన్నర కాలంలో చిట్వేల్ మండల కేంద్రం గణనీయమైన ప్రగతిని సాధించింది. దశాబ్దాలుగా వేధించిన మురుగునీటి సమస్యల నుంచి మారుమూల గ్రామాలకు రవాణా సౌకర్యం కల్పించడం వరకు క్షేత్రస్థాయిలో వచ్చిన మార్పులు స్థానికంగా ప్రాధాన్యత సంతరించుకున్నాయి.
​వర్షాకాలంలో చిన్నపాటి వానకే నీటమునిగే సింగమల దర్గా వీధిలో డ్రైనేజీ వ్యవస్థను క్రమబద్ధీకరించడం వల్ల వరద నీటి సమస్యకు శాశ్వత పరిష్కారం లభించింది. తద్వారా స్థానిక ప్రజలకు ఎంతో కాలంగా పడుతున్న ఇబ్బందుల నుంచి ఉపశమనం లభించింది. ఇదే క్రమంలో చిట్వేల్ మండల రెవెన్యూ అధికారి కార్యాలయం వెనుక వీధిలో నిర్మించిన కాంక్రీటు రహదారి స్థానిక ప్రయాణ అవసరాలకు ఎంతో అనుకూలంగా మారింది. పూర్తయినా వినియోగంలోకి రాని స్థానిక ప్రభుత్వ వైద్యశాలను పూర్తిస్థాయిలో అందుబాటులోకి తేవడంతో పాటు నిరుపేదలకు ముఖ్యమంత్రి సహాయ నిధి నుంచి వైద్య సహాయం అందించడంలో రాజకుంట నరసింహ నిరంతరం కృషి చేశారు.
​రవాణా పరంగా మారుమూల గ్రామాలైన మలేమార్పురం, పోలేపల్లి, దేవమంచుపల్లి, మూగవారిపల్లి, కట్టవారిపల్లి తదితర ప్రాంతాల నుంచి ఉదయాన్నే తిరుపతి, నెల్లూరు నగరాలకు వెళ్లేందుకు వీలుగా బస్సు సౌకర్యాలు అందుబాటులోకి వచ్చాయి. పాఠశాలలు, కళాశాలలు, ఆసుపత్రులకు వెళ్లే ప్రయాణికులకు ఈ వేళలు ఎంతో ప్రయోజనకరంగా మారాయి. ప్రజాస్వామ్య వ్యవస్థలో వాగ్దానాల కంటే నిత్యజీవితంలో కనిపించే మార్పులే అభివృద్ధికి నిజమైన నిదర్శనాలుగా నిలుస్తాయి.