పశుపోషకులకు చేయూతగా 'పల్లె పండుగ'ప్రారంభించిన కూడా చైర్మన్ టిడిపి ఇన్చార్జ్ రూపానంద రెడ్డి

పశుపోషకులకు చేయూతగా 'పల్లె పండుగ'
​ రైల్వే కోడూరు సెప్టెంబర్ 30 జై భీమ్ వాయిస్ టుడే:
​గ్రామీణ ప్రాంతాల ఆర్థిక పురోగతికి మూలస్తంభంగా నిలిచే పాడి పరిశ్రమను ప్రోత్సహిస్తూ, రైతాంగానికి అండగా నిలవడమే ధ్యేయంగా పల్లె పండుగ మూడో విడత కార్యక్రమం ఉత్సాహంగా సాగుతోంది. ఇందులో భాగంగా ఓబులవారిపల్లి మండలం పాపిరెడ్డిపల్లి గ్రామంలో ఉపాధి హామీ నిధులతో నిర్మించనున్న రెండు పశువుల పాకల పనులకు గురువారం శంకుస్థాపన మహోత్సవం ఘనంగా జరిగింది. ఈ సంప్రదాయ భూమిపూజ కార్యక్రమంలో నియోజకవర్గ తెదేపా బాధ్యులు, పట్టణాభివృద్ధి సంస్థ అధ్యక్షుడు ముక్కా రూపానంద రెడ్డితో పాటు శాసనసభ్యులు అరవ శ్రీధర్ పాల్గొని పనులను ప్రామిరంభించారు.
​ఈ సందర్భంగా నాయకులు మాట్లాడుతూ, ముఖ్యమంత్రి నారా చంద్రబాబు నాయుడు, ఉప ముఖ్యమంత్రి పవన్ కళ్యాణ్ నేతృత్వంలోని కూటమి పాలన పల్లెల సర్వాంగీణ వికాసానికే ప్రథమ ప్రాధాన్యం ఇస్తోందని స్పష్టం చేశారు. గ్రామీణ జీవనోపాధులకు ఆసరాగా నిలిచే పశుపోషణను విస్తృతం చేసేందుకు అవసరమైన అన్ని మౌలిక సౌకర్యాలను కల్పిస్తున్నామని తెలిపారు. క్రమబద్ధమైన పాకల నిర్మాణం ద్వారా పశువులకు రక్షణ దక్కడంతో పాటు, పాడి రైతులకు ఆర్థికంగా విశేష ప్రయోజనం చేకూరుతుందని, ఇది ఆటోమేటిక్ గా గ్రామీణ ఆర్థిక ప్రగతికి ఊతమిస్తుందని పేర్కొన్నారు.
​ప్రజా సంక్షేమమే పరమావధిగా పల్లె పండుగ కార్యక్రమం ద్వారా పల్లెసీమల్లో అత్యంత ప్రాధాన్యమున్న అభివృద్ధి పనులను దశలవారీగా వేగవంతం చేస్తున్నామని వెల్లడించారు. ఈ కార్యక్రమంలో జలవనరుల యాజమాన్య సంస్థ ప్రతినిధులు, వివిధ శాఖల అధికారులు, స్థానిక ప్రజాప్రతినిధులు, తెలుగుదేశం పార్టీ శ్రేణులు, పెద్ద ఎత్తున గ్రామస్తులు హాజరయ్యారు.