చిట్వేలిలో అనారోగ్యంతో బాధపడుతున్న వ్యాపారికి పాటూరి పరామర్శ

చిట్వేలిలో అనారోగ్యంతో బాధపడుతున్న వ్యాపారికి పార్టీ నేతల పరామర్శ
రైల్వే కోడూరు సెప్టెంబర్ 7 జై భీమ్ వాయిస్ టుడే:
​రైల్వేకోడూరు నియోజకవర్గం చిట్వేలి పట్టణంలో తెలుగుదేశం పార్టీ నాయకుల సందడి నెలకొంది. స్థానిక ఎరువుల వ్యాపారి షేక్ కరీముల్లా గత కొన్ని రోజులుగా తీవ్ర అనారోగ్యంతో బాధపడుతూ ఆసుపత్రిలో చికిత్స పొంది, ప్రస్తుతం నివాసంలో కోలుకుంటున్నారు. ఈ విషయాన్ని తెలుసుకున్న నియోజకవర్గ నాయకుడు, మొదటి శ్రేణి కాంట్రాక్టర్ పాటూరు శ్రీనివాసులు రెడ్డి సోమవారం ఆయన గృహానికి స్వయంగా వెళ్లి పరామర్శించారు. కరీముల్లా ఆరోగ్య పరిస్థితిని అడిగి తెలుసుకుని, త్వరగా పూర్తి కోలుకోవాలని ఆకాంక్షించారు.
​కష్టసమయంలో తోటి పౌరులకు అండగా నిలవడం నాయకుల బాధ్యత అని, కరీముల్లా త్వరలోనే పూర్తి ఆరోగ్యంతో వ్యాపార కార్యకలాపాలు సాగించాలని ఆశాభావం వ్యక్తం చేశారు. ఈ పరామర్శ కార్యక్రమంలో నాయకుడు శ్రీనివాసులు రెడ్డి వెంట తెలుగుదేశం పార్టీ నాయకులు నాగిరెడ్డి కరుణాకర్ రెడ్డి, వెంకటసుబ్బారెడ్డి, చిన్న, సుబ్రమణ్యం, శివ మణికంఠ తదితరులు పాల్గొన్నారు.