రెడ్డివారిపల్లిలో గణపతి మండపాన్ని సందర్శించిన బత్యాల

రెడ్డివారిపల్లిలో గణపతి మండపాన్ని సందర్శించిన బత్యాల
రైల్వే కోడూరు సెప్టెంబర్ 18 జై భీమ్ వాయిస్ టుడే:
​రైల్వేకోడూరు మండలం రెడ్డివారిపల్లి గ్రామంలో వినాయక చవితి ఉత్సవాలు అత్యంత వైభవంగా సాగుతున్నాయి. వేడుకల్లో భాగంగా గ్రామంలో వెలసిన గణనాథుని మండపాన్ని మాజీ శాసనమండలి సభ్యులు బత్యాల చంగల్రాయుడు దర్శించుకున్నారు. శ్రీకారం శివయ్య సోదరుల ప్రత్యేక ఆహ్వానం మేరకు విచ్చేసిన ఆయన, లంబోధరునికి ప్రత్యేక పూజలు నిర్వహించి స్వామివారి కృపకు పాత్రులయ్యారు.
​ఈ సందర్భంగా గ్రామ ప్రజలు, ఉత్సవ నిర్వాహకులు బత్యాల చంగల్రాయుడికి శాలువా కప్పి, పూలమాలలతో ఘనంగా సత్కరించారు. అనంతరం వేద పండితులు ఆయనకు స్వామివారి తీర్థప్రసాదాలను అందజేసి ఆశీర్వచనాలు పలికారు. ఆధ్యాత్మిక శోభతో విలసిల్లుతున్న ఈ కార్యక్రమంలో స్థానిక భక్తులు, గ్రామస్తులతో పాటు వివిధ పార్టీల నాయకులు, కార్యకర్తలు విశేష సంఖ్యలో పాల్గొని పూజా కార్యక్రమాలను జయప్రదం చేశారు.