గద్దరేవులపల్లిలో ముమ్మరంగా సాగిన ఎన్నికల ప్రచార జోరు సుడిగాలి పర్యటన చేపట్టిన కూడా చైర్మన్ రూపానంద రెడ్డి

గద్దరేవులపల్లిలో ముమ్మరంగా సాగిన ఎన్నికల ప్రచారం
రైల్వే కోడూరు జై భీమ్ వాయిస్ టుడే:
​రైల్వే కోడూరు నియోజకవర్గం, ఓబులువారిపల్లి మండలం పరిధిలోని గద్దరేవులపల్లి గ్రామంలో స్థానిక సంస్థల ఎన్నికల వాతావరణం వేడెక్కింది. రానున్న ఎన్నికల పర్వాన్ని పురస్కరించుకుని గ్రామంలో ప్రజాప్రతినిధులు, వివిధ పార్టీల శ్రేణులు విస్తృతంగా ప్రచార కార్యక్రమాలను నిర్వహిస్తున్నారు. ఇందులో భాగంగా నియోజకవర్గ బాధ్యులు, కడప పట్టణాభివృద్ధి సంస్థ అధ్యక్షుడు ముక్కా రూపానంద రెడ్డి స్థానిక అభ్యర్థులతో కలిసి గ్రామంలో విస్తృతంగా పర్యటించారు.
​కూటమి మద్దతుతో బరిలో నిలిచిన మండల పరిషత్ ప్రాదేశిక నియోజకవర్గ (ఎంబీటీసీ) అభ్యర్థి సిరిగిరాజు సౌజన్య, అలాగే జిల్లా పరిషత్ ప్రాదేశిక నియోజకవర్గ (జెడ్పీటీసీ) అభ్యర్థి కీర్తిపాటి కవితల విజయమే లక్ష్యంగా ఈ ప్రచార యాత్ర సాగింది. గ్రామంలోని ప్రతి వీధిలోనూ పర్యటిస్తూ, ఓటర్లను నేరుగా కలుసుకొని వారి ఆశీస్సులు కోరారు.
​ఈ సందర్భంగా గ్రామ సర్వతోముఖాభివృద్ధి, నివాసితులకు అవసరమైన మౌలిక వసతుల కల్పన, స్థానికంగా నెలకొన్న పలు సమస్యలపై ప్రజలతో ఆత్మీయంగా ముచ్చటించారు. స్థానిక సంస్థల ఎన్నికల్లో ప్రజాప్రతినిధుల ఎంపిక గ్రామ ప్రగతికి ఎంతో కీలకమని, ప్రశాంత వాతావరణంలో ఓటర్లు ఆలోచించి తమ అమూల్యమైన ఓటు హక్కును వినియోగించుకోవాలని కోరారు. ప్రజాస్వామ్యబద్ధంగా సాగిన ఈ ప్రచార కార్యక్రమంలో స్థానిక నాయకులు, కూటమి శ్రేణులు, కార్యకర్తలు విశేష సంఖ్యలో పాల్గొన్నారు.