ప్రమాద బాధితుడికి కొరముట్ల పరామర్శ: మెరుగైన వైద్యం అందించాలని సూచన

ప్రమాద బాధితుడికి కొరముట్ల పరామర్శ: మెరుగైన వైద్యం అందించాలని సూచన
​రైల్వే కోడూరు సెప్టెంబర్ 17 జై భీమ్ వాయిస్ టుడే:
​ప్రమాదవశాత్తు గాయపడి ఆసుపత్రిలో చికిత్స పొందుతున్న బాధితుడిని వైఎస్ఆర్సిపి రాష్ట్ర అధికార ప్రతినిధి, కోడూరు నియోజకవర్గ ఇన్చార్జ్, మాజీ శాసనసభ్యులు కొరముట్ల శ్రీనివాసులు గురువారం పరామర్శించారు. చిట్వేలు మండలం నాగవరం ఎగువపల్లి గ్రామానికి చెందిన నరేష్ ఇటీవల ప్రమాదానికి గురై తిరుపతి రుయా ఆసుపత్రిలోని అస్థిపంజర, ఎముకల వైద్య విభాగంలో చికిత్స పొందుతున్నారు.
​ఈ విషయం తెలుసుకున్న కొరముట్ల శ్రీనివాసులు మధ్యాహ్నం ఆసుపత్రికి చేరుకుని బాధితుడిని పరామర్శించి ఆరోగ్యం గురించి అడిగి తెలుసుకున్నారు. అనంతరం అక్కడి వైద్యులతో మాట్లాడి నరేష్‌కి అందుతున్న వైద్య సేవల వివరాలను సమీక్షించారు. బాధితుడికి ఎటువంటి లోటు రాకుండా మరిన్ని మెరుగైన వైద్య సేవలు అందించాలని వైద్య బృందానికి సూచించారు. బాధితుడి కుటుంబానికి అన్ని వేళలా అండగా ఉంటామని ఈ సందర్భంగా ఆయన భరోసా ఇచ్చారు. ఈ కార్యక్రమంలో నాయకులు ఉమామహేశ్వర్ రెడ్డి తదితరులు పాల్గొన్నారు.