నరసింహారెడ్డి ఎస్టీ కాలనీలో ఘనంగా అన్నదాన మహోత్సవం: వైఎస్సార్సీపీ నాయకుడు నాగిరెడ్డి చంద్రశేఖర్ రెడ్డి ఆధ్వర్యంలో వేడుకలు

నరసింహారెడ్డి ఎస్టీ కాలనీలో ఘనంగా అన్నదాన మహోత్సవం: వైఎస్సార్సీపీ నాయకుడు నాగిరెడ్డి చంద్రశేఖర్ రెడ్డి ఆధ్వర్యంలో వేడుకలు
​రైల్వే కోడూరు సెప్టెంబర్ 16 జై భీమ్ వాయిస్ టుడే:
రైల్వే కోడూరు నియోజకవర్గ పరిధిలోని చిట్వేలి మండలం నరసింహారెడ్డి ఎస్టీ కాలనీలో వినాయక చవితి పర్వదినాన్ని పురస్కరించుకుని వైఎస్సార్ కాంగ్రెస్ పార్టీ ఉమ్మడి నియోజకవర్గ సమన్వయకర్త నాగిరెడ్డి చంద్రశేఖర్ రెడ్డి ఆధ్వర్యంలో బృహత్ అన్నదాన కార్యక్రమం అత్యంత వైభవంగా జరిగింది. స్వామివారికి పూజలు నిర్వహించిన పిమ్మట కాలనీ వాసులకు, భక్తులకు స్వయంగా అన్నప్రసాద వితరణ చేశారు.
​ఈ సందర్భంగా నాగిరెడ్డి చంద్రశేఖర్ రెడ్డి మాట్లాడుతూ వైఎస్ జగన్మోహన్ రెడ్డి 2029 సంవత్సరంలో మరలా ముఖ్యమంత్రిగా పీఠాన్ని అధిష్ఠించాలని ఆకాంక్షిస్తూ ఈ అన్నదాన కార్యక్రమాన్ని చేపట్టినట్లు వెల్లడించారు. ఎస్టీ కాలనీవాసులకు ఏ సమస్య వచ్చినా ఎల్లవేళలా అండదండలుగా ఉంటానని అభయమిచ్చారు. ఉత్సవాల్లో భాగంగా ఆయన గ్రామ ప్రజలతో కలిసి ఉత్సాహంగా నృత్యాలు చేస్తూ అలరించారు. గ్రామస్థులను ఆప్యాయంగా పలకరిస్తూ వారిలో కలసిపోయిన తీరు స్థానికులను విశేషంగా ఆకట్టుకుంది.
​ఈ కార్యక్రమంలో గల్ఫ్ సలహాదారు పులపతూరి సురేష్ నాథ్ రెడ్డి, జగన్మోహన్ రెడ్డి, నరసింహారెడ్డిలతో పాటు స్థానిక గ్రామ ప్రముఖులు అక్కమ్మ, ప్రసాద్, కొండయ్య, పెద్దమ్మ, వెంకటయ్య, శంకరయ్య మరియు కాలనీవాసులు, మహిళలు పెద్ద ఎత్తున పాల్గొని కార్యక్రమాన్ని విజయవంతం చేశారు.