విఘ్నేశ్వరుని కృపతో నియోజకవర్గం సుభిక్షంగా ఉండాలి: పండుగ వేళ శుభాకాంక్షలు తెలిపిన మాజీ ఎమ్మెల్యే కొరముట్ల శ్రీనివాసులు

విఘ్నేశ్వరుని కృపతో నియోజకవర్గం సుభిక్షంగా ఉండాలి: పండుగ వేళ శుభాకాంక్షలు తెలిపిన మాజీ ఎమ్మెల్యే కొరముట్ల శ్రీనివాసులు
​రైల్వే కోడూరు సెప్టెంబర్ 14 జై భీమ్ వాయిస్ టుడే:
సకల విఘ్నాలను తొలగించే బొజ్జ గణపయ్య ఆశీస్సులు రైల్వే కోడూరు నియోజకవర్గ ప్రజలందరిపై నిరంతరం ఉండాలని, ప్రతి ఇంటా సంతోషాల కాంతులు విరియాలని వైఎస్ఆర్ కాంగ్రెస్ పార్టీ రాష్ట్ర అధికార ప్రతినిధి, నియోజకవర్గ ఇన్‌ఛార్జ్, మాజీ ఎమ్మెల్యే కొరముట్ల శ్రీనివాసులు ఆకాంక్షించారు. వినాయక చవితి పర్వదినాన్ని పురస్కరించుకుని నియోజకవర్గ ప్రజలకు, పార్టీ నాయకులకు, కార్యకర్తలకు, అభిమానులకు ఆయన హృదయపూర్వక పండుగ శుభాకాంక్షలు తెలియజేశారు.
​ఈ శుభసందర్భంగా కొరముట్ల శ్రీనివాసులు మాట్లాడుతూ.. లంబోధరుని కృపాకటాక్షాలతో ప్రజలందరూ ఆయురారోగ్యాలు, అష్టైశ్వర్యాలతో వర్ధిల్లాలని, రైతాంగానికి పంటలు సమృద్ధిగా పండి నియోజకవర్గం సుభిక్షంగా ఉండాలని కోరుకున్నారు. పండుగను సర్వమత సౌభ్రాతృత్వంతో, ఆధ్యాత్మిక చింతనతో, భక్తిశ్రద్ధల నడుమ ప్రశాంత వాతావరణంలో జరుపుకోవాలని పిలుపునిచ్చారు.
​ప్రజలు తలపెట్టే ప్రతి శుభకార్యం విఘ్నాలు లేకుండా దిగ్విజయంగా పూర్తికావాలని, నియోజకవర్గ ప్రజల శ్రేయస్సు, సంక్షేమం కోసం తమ వంతు కృషి నిరంతరం కొనసాగుతుందని ఈ సందర్భంగా ఆయన పేర్కొన్నారు.