గ్రామగ్రామాన కమల వికాసం.. ఓబుళవారిపల్లిలో రెపరెపలాడిన పసిడి జెండా!

గ్రామగ్రామాన కమల వికాసం.. ఓబుళవారిపల్లిలో రెపరెపలాడిన పసిడి జెండా!
రైల్వే కోడూరు అక్టోబర్ 12 జై భీమ్ వాయిస్ టుడే:
భారతీయ జనతా పార్టీ ప్రతిష్టాత్మకంగా చేపట్టిన ‘మన ఊరు – మన జెండా’ కార్యక్రమంతో తిరుపతి జిల్లా రైల్వేకోడూరు నియోజకవర్గంలోని ఓబుళవారిపల్లి మండలం కమల వర్ణశోభితమైంది. ప్రణాళికాబద్ధంగా రూపొందించిన మార్గసూచీ ప్రకారం ఉదయాన్నే రైల్వేకోడూరు నియోజకవర్గ కేంద్రంలోని పార్టీ కార్యాలయం వద్ద నాయకులు, కార్యకర్తల సమక్షంలో అల్పాహార విందుతో పండుగ వాతావరణంలో ఈ కార్యచరణ ప్రారంభమైంది. అక్కడి నుండి సమరశంఖం పూరిస్తూ నాయకులు, శ్రేణులు శ్రేణిబద్ధంగా గ్రామబాట పట్టారు.
​ఉదయం తొమ్మిదిన్నర గంటలకు గద్దలరేవుపల్లి గ్రామానికి చేరుకున్న నాయకులు జెండాను ఆవిష్కరించి కార్యక్రమానికి శ్రీకారం చుట్టారు. అనంతరం బి.పి.రాచపల్లి, కాకర్లవారిపల్లి, లింగిరెడ్డిపల్లి గ్రామాల్లో వరసగా పార్టీ జెండాలను ఎగురవేశారు. మధ్యాహ్న సమయానికి గొబ్బూరోపల్లి చేరుకున్న శ్రేణులు అక్కడ పర్యావరణ పరిరక్షణను కాాంక్షిస్తూ విస్తృతంగా మొక్కలు నాటే కార్యక్రమం చేపట్టారు. ఇదే క్రమంలో కాలనీ గ్రామంలో కొద్దిరోజులుగా తీవ్రంగా వేధిస్తున్న తాగునీటి ఎద్దడిని స్థానిక నేత శంకరయ్య మండల అధ్యక్షుడు ముక్కా రూపేష్ రెడ్డి దృష్టికి తీసుకురాగా, వెంటనే స్పందించిన ఆయన ఉన్నతాధికారులతో మాట్లాడి బోరు బావి తవ్వించారు. సకాలంలో విద్యుత్ మోటార్లను బిగించి స్వచ్ఛమైన తాగునీటి సరఫరా పునరుద్ధరించడంతో ఆ గ్రామ ప్రజలు హర్షాతిరేకాలు వ్యక్తం చేశారు. అనంతరం భోజన విరామం ముగించుకుని మధ్యాహ్నం నుండి చిన్నంపల్లి, నూకనపల్లి, చెన్నరాజుపోడు గ్రామాల్లో సాయంత్రం వరకు జెండా ఆవిష్కరణలు పండుగలా కొనసాగాయి.
​ఈ సుదీర్ఘ కార్యక్రమానికి రాష్ట్ర, జిల్లా స్థాయి అగ్రనేతలు హాజరై శ్రేణుల్లో నూతనోత్తేజాన్ని నింపారు. రాష్ట్ర ప్రధాన కార్యదర్శి నాబోతు రమేష్ నాయుడు, జిల్లా అధ్యక్షుడు సామంచి శ్రీనివాస్, జిల్లా పర్యవేక్షకులు కృష్ణారెడ్డి, రాష్ట్ర కార్యవర్గ సభ్యులు గడ్డం చెంగలరాజు, యువమోర్చా జిల్లా పర్యవేక్షకులు బండారు పార్థసారధి, జిల్లా ప్రధాన కార్యదర్శి బి.డి.బాలాజీ, మండల పర్యవేక్షకులు అజయ్ కుమార్ తమ సమక్షంతో శ్రేణులను ఉత్సాహపరిచారు. ఈ సందర్భంగా నాయకులు మాట్లాడుతూ, ప్రతి పల్లెలోనూ పార్టీ సిద్ధాంతాలను తీసుకెళ్తూ శ్రేణులను సమాయత్తం చేయడమే ఈ కార్యక్రమ ముఖ్య ఉద్దేశమని స్పష్టం చేశారు. మండల అధ్యక్షుడు ముక్కా రూపేష్ రెడ్డి నాయకత్వంలో రూపుదిద్దుకున్న ఈ ఘన కార్యక్రామానికి రైల్వేకోడూరు నియోజకవర్గ స్థాయి నుండి నాయకులు, శ్రేణులు, అభిమానులు భారీ సంఖ్యలో తరలివచ్చి దిగ్విజయం చేశారు.