విజయదశమి పర్వదినాన చెడుపై గెలుపే దిక్సూచి

విజయదశమి పర్వదినాన చెడుపై గెలుపే దిక్సూచి
​రైల్వే కోడూరు జై భీమ్ వాయిస్ టుడే:
​దసరా పండుగ సమాజంలో మంచి మార్గానికి, అధర్మంపై ధర్మం సాధించిన విజయానికి ప్రతీక అని తెలుగుదేశం పార్టీ జిల్లా పార్లమెంట్ కార్యనిర్వాహక కార్యదర్శి, సీనియర్ నాయకులు పున్నాటి వాసుదేవరెడ్డి పేర్కొన్నారు. పవిత్రమైన విజయదశమి పర్వదినాన్ని పురస్కరించుకుని ఓబులవారిపల్లి మండల ప్రజలకు, అలాగే పార్టీ నాయకులు, కార్యకర్తలు, అభిమానులకు ఆయన హృదయపూర్వక పండుగ శుభాకాంక్షలు తెలిపారు.
​ఈ సందర్భంగా ఆయన మాట్లాడుతూ... చెడు ఎంత శక్తివంతంగా అనిపించినా ఆఖరుకి మంచిదే పైచేయి అవుతుందని దసరా పండుగ మనకు స్పష్టం చేస్తుందన్నారు. దుర్గమ్మ తల్లి ఆశీస్సులతో మండల ప్రజలందరూ ఆయురారోగ్యాలు, అష్టైశ్వర్యాలతో తులతూగాలని, ప్రతి ఇంటా సుఖశాంతులు వెల్లివిరియాలని ఆయన ఆకాంక్షించారు. ప్రజా సంక్షేమమే ధ్యేయంగా ముందుకు సాగుతున్న పార్టీకి కార్యకర్తలే వెన్నుముక అని, ప్రజల అభ్యున్నతి కోసం అందరూ కలసికట్టుగా కృషి చేయాలని ఈ పావన వేళ పిలుపునిచ్చారు.