రేనాటి వీరుడు వడ్డే ఓబన్నకు ఘన నివాళి

రేనాటి వీరుడు వడ్డే ఓబన్నకు ఘన నివాళి
రైల్వే కోడూరు అక్టోబర్ 6 జై భీమ్ వాయిస్ టుడే:
​స్వాతంత్య్ర సమరయోధుడు, రేనాటి వీరుడు వడ్డే ఓబన్న 180వ వర్ధంతి సందర్భంగా కోడూరు పట్టణంలో ఆయన స్మృతికి అంజలి ఘటించారు. చిట్వేలు రహదారిలోని ప్రభుత్వ వైద్యశాల ప్రాంగణంలో ఉన్న వడ్డే ఓబన్న విగ్రహానికి వైఎస్‌‌ఆర్‌సీపీ రాష్ట్ర అధికార ప్రతినిధి, నియోజకవర్గ సమన్వయకర్త, పూర్వ శాసనసభ్యులు కొరముట్ల శ్రీనివాసులు పూలమాలలు వేసి శ్రద్ధాంజలి ఘటించారు. భారత స్వాతంత్య్ర సంగ్రామంలో వీరుల త్యాగాలు చిరస్మరణీయమని, వారి ఆశయాలను ముందుకు తీసుకెళ్లాల్సిన బాధ్యత ప్రతి ఒక్కరిపై ఉందని ఈ సందర్భంగా పేర్కొన్నారు.
​ఈ కార్యక్రమంలో పార్టీ ప్రముఖ నాయకులు పంజం వేణుగోపాల్ రెడ్డి, మాదినేని వెంకట్ రెడ్డి, రాష్ట్ర సంయుక్త కార్యదర్శి మందల నాగేంద్ర, రాయలసీమ ప్రాంత ప్రాంగణ కమిటీ అధ్యక్షుడు భరత్ కుమార్ రెడ్డి, పట్టణ అధ్యక్షుడు సిహెచ్ రమేష్, పూర్వ జిల్లా పరిషత్ ప్రాంతీయ ప్రతినిధి రాజేశ్వరమ్మ, సంత మార్కెట్ పూర్వ అధ్యక్షుడు సుబ్బరామరాజు, జిల్లా యువజన కార్యదర్శి దమ్ము రఘు, జిల్లా యువజన ప్రధాన కార్యదర్శి రాజా (గని), జిల్లా అధికార ప్రతినిధి, వార్డు సభ్యులు కరీముల్లా, డివి రమణ, సిద్దు రాయల్, రాఘవరాజుపురం శివాలయం పూర్వ అధ్యక్షుడు రవిచంద్ర రెడ్డితో పాటు తిరుపతి సూరి, మణి, వెంకటేష్ తదితరులు పెద్ద సంఖ్యలో పాల్గొని వీరుని సేవలను స్మరించుకున్నారు.