భక్తులకు శుభాకాంక్షలు తెలిపిన తెలుగుదేశం పార్టీ నాయకులు గడ్డం జంగల్ రాజు

భక్తులకు శుభాకాంక్షలు తెలిపిన తెలుగుదేశం పార్టీ నాయకులు గడ్డం జంగల్ రాజు
రైల్వే కోడూరు సెప్టెంబర్ 14 జేపీ వాయిస్ టుడే;
​త్యాగం, భక్తిశ్రద్ధల సమాహారంగా తెలుగునాట వినాయక చవితి పండగ వాతావరణం ఉత్సాహభరితంగా సాగుతోంది. నవరాత్రి ఉత్సవాల ప్రారంభం సందర్భంగా తెలుగుదేశం పార్టీ నాయకులు గడ్డం జంగల్ రాజు నియోజకవర్గ ప్రజలకు, కార్యకర్తలకు, అభిమానులకు వినాయక చవితి శుభాకాంక్షలు తెలియజేశారు.
​విఘ్నాలను తొలగించి, సర్వజనుల కోరికలను నెరవేర్చే బొజ్జ గణపయ్య ఆశీస్సులు ప్రతి ఒక్కరిపైనా ఉండాలని ఆకాంక్షించారు. ఈ సందర్భంగా ఆయన మాట్లాడుతూ, మట్టి విగ్రహాలనే ప్రతిష్టించి పర్యావరణ పరిరక్షణకు ప్రతి ఒక్కరూ నడుం బిగించాలని పిలుపునిచ్చారు. ఊరూరా వెలసిన గణనాథుల మండపాలు భక్తిపారవశ్యంతో నిండిపోవాలని, ప్రజలందరి జీవితాల్లో సుఖసంతోషాలు, ఆయురారోగ్యాతో వర్ధిల్లాలని ఆ గణేశుడిని ప్రార్థించినట్లు పేర్కొన్నారు. ఎల్లప్పుడూ ప్రజల సంక్షేమం, అభివృద్ధియే ధ్యేయంగా ముందుకు సాగుతామని, అందరూ ఐక్యమత్యంతో పండుగను శాంతియుత వాతావరణంలో జరుపుకోవాలని కోరారు.