తాడేపల్లిలో వైకాపా అధినేతతో కొరముట్ల భేటీ: నియోజకవర్గ పరిస్థితులపై చర్చ

తాడేపల్లిలో వైకాపా అధినేతతో కొరముట్ల భేటీ: నియోజకవర్గ పరిస్థితులపై చర్చ
​రైల్వే కోడూరు సెప్టెంబర్ 23 జై భీమ్ వాయిస్ టుడే:
వైఎస్ఆర్ కాంగ్రెస్ పార్టీ కేంద్ర కార్యాలయంలో శ్రేణుల కోలాహలం నడుమ కీలక భేటీ చోటుచేసుకుంది. పార్టీ అధినేత, మాజీ ముఖ్యమంత్రి వైఎస్ జగన్మోహన్ రెడ్డిని వైఎస్ఆర్సిపి రాష్ట్ర అధికార ప్రతినిధి, కోడూరు నియోజకవర్గ ఇన్చార్జ్, మాజీ శాసనసభ్యులు కొరముట్ల శ్రీనివాసులు బుధవారం మధ్యాహ్నం మర్యాదపూర్వకంగా కలసి నియోజకవర్గ రాజకీయ అంశాలపై విస్తృతంగా చర్చించారు.
​తాడేపల్లిలోని కేంద్ర కార్యాలయానికి విచ్చేసిన కొరముట్ల శ్రీనివాసులు, వైఎస్ జగన్మోహన్ రెడ్డికి శుభాకాంక్షలు తెలియజేశారు. ఈ సందర్భంలో కోడూరు నియోజకవర్గంలో వైఎస్ఆర్ కాంగ్రెస్ పార్టీ బలోపేతానికి చేపడుతున్న వివిధ కార్యక్రమాలను, స్థానిక రాజకీయ పరిస్థితులను పార్టీ అధినేతకు పూసగుచ్చినట్లు వివరించారు. పార్టీ కేడర్‌ను సమాయత్తం చేస్తూ, ప్రజా సమస్యలపై నిరంతరం పోరాటం సాగించేలా కార్యాచరణ రూపొందిస్తున్నట్లు పేర్కొన్నారు.
​ఈ భేటీ సందర్భంగా పార్టీ బలోపేతానికి, రాబోయే రోజుల్లో చేపట్టాల్సిన ప్రజాపోరాటాలకు అనుసరించాల్సిన వ్యూహాలపై వైఎస్ జగన్మోహన్ రెడ్డి దిశానిర్దేశం చేశారు. నాయకులు, కార్యకర్తలు ఏకతాటిపై నిలిచి ప్రజల పక్షాన నిలబడాలని సూచించారు. నియోజకవర్గంలో మారుతున్న రాజకీయ సమీకరణాల నడుమ అధినేతతో మాజీ ఎమ్మెల్యే భేటీ కావడం, స్థానిక శ్రేణుల్లో నూతనోత్సాహాన్ని నింపింది. ఈ కార్యక్రమంలో పలువురు ముఖ్య నాయకులు సైతం భాగస్వాములయ్యారు.