విషాదంలో ఉదయగిరి కుటుంబం: నివాళులర్పించిన పంతగాని నరసింహప్రసాద్

విషాదంలో ఉదయగిరి కుటుంబం: నివాళులర్పించిన పంతగాని నరసింహప్రసాద్
​ రైల్వే కోడూరు సెప్టెంబర్ 6 భీమ్ వాయిస్ టుడే :
​తిరుపతి జిల్లా రైల్వేకోడూరు నియోజకవర్గ పరిధిలోని ఊళ్లగడ్డపోడు హరిజనవాడ గ్రామానికి చెందిన ఉదయగిరి శంకర్ తల్లి వెంకటమ్మ తీవ్ర అనారోగ్యంతో బాధపడుతూ నిన్న తుదిశ్వాస విడిచారు. ఈ విషయం తెలుసుకున్న తెలుగుదేశం పార్టీ రాష్ట్ర సాంస్కృతిక విభాగ అధ్యక్షుడు పంతగాని నరసింహప్రసాద్ శనివారం ఆ గ్రామానికి చేరుకుని, వెంకటమ్మ భౌతికకాయానికి పూలమాలలు వేసి శ్రద్ధాంజలి ఘటించారు.
​ఈ సందర్భంగా శంకర్ కుటుంబాన్ని ఆయన పరామర్శించి, తమ సానుభూతిని తెలిపారు. తల్లిని కోల్పోవడం తీరని లోటని, ఈ కష్టసమయంలో కుటుంబ సభ్యులకు భగవంతుడు ధైర్యాన్ని ప్రసాదించాలని ఆకాంక్షించారు. బాధితులకు పార్టీ అన్నివేళలా అండగా ఉంటుందని భరోసా ఇచ్చారు.
​ఈ నివాళి కార్యక్రమంలో స్థానిక పార్టీ నాయకులు, కార్యకర్తలు, గ్రామస్థులు పెద్ద ఎత్తున పాల్గొని మృతురాలికి అంజలి ఘటించారు.