పెన్షన్ దారులకు అండగా తెలుగుదేశం మైనార్టీ నేత జమీర్ అక్బర్ బాషా

పెన్షన్ దారులకు అండగా తెలుగుదేశం మైనార్టీ నేత
​వైఎస్సార్ జిల్లా రైల్వేకోడూరు నియోజకవర్గంలో ఎన్టీఆర్ పెన్షన్ భరోసా పథకం కింద నూతన పెన్షన్ల కోసం అర్హులైన లబ్ధిదారులు దరఖాస్తు చేసుకునేలా తెలుగుదేశం పార్టీ మైనార్టీ నాయకుడు సయ్యద్ జమీర్ అక్బర్ బాషా ప్రత్యేక చొరవ చూపుతున్నారు. ప్రభుత్వం అందిస్తున్న సామాజిక పింఛన్లు అర్హులైన ప్రతి ఒక్కరికీ అందాలనే లక్ష్యంతో స్వయంగా రంగంలోకి దిగి లబ్ధిదారులకు మార్గదర్శనం చేస్తున్నారు.
​దరఖాస్తు ప్రక్రియలో ఎదురయ్యే సాంకేతిక సందేహాలను నివృత్తి చేస్తూ, అర్హులైన పేదలకు ఎన్టీఆర్ పెన్షన్ భరోసా ఫలాలు సకాలంలో అందేలా సచివాలయ సిబ్బందితో సమన్వయం చేసుకుంటూ దరఖాస్తులు పూర్తి చేయిస్తున్నారు. సంక్షేమ పథకాలను ప్రజలకు చేరువ చేయడంలో ప్రజా ప్రతినిధులు, నాయకులు భాగస్వామ్యం కావడం పట్ల స్థానిక లబ్ధిదారులు హర్షం వ్యక్తం చేస్తున్నారు. ఎలాంటి ఇబ్బందులు లేకుండా దరఖాస్తు ప్రక్రియ పూర్తి కావడంపై లబ్ధిదారులు సంతోషం వ్యక్తం చేస్తూ నాయకులకు ధన్యవాదాలు తెలియజేస్తున్నారు.