వైఎస్సార్‌సీపీ కార్యకర్తలకు కొండంత అండ: ఐదు లక్షల ప్రమాద బీమాతో కొరముట్ల శ్రీనివాసులు ధీమా

వైఎస్సార్‌సీపీ కార్యకర్తలకు కొండంత అండ: ఐదు లక్షల ప్రమాద బీమాతో కొరముట్ల శ్రీనివాసులు ధీమా
రైల్వే కోడూరు సెప్టెంబర్ 30 జై భీమ్ వాయిస్ టుడే:
​వైఎస్సార్ కాంగ్రెస్ పార్టీ శ్రేణులకు కష్టకాలంలో కొండంత అండగా నిలిచేందుకు పార్టీ అధిష్ఠానం గొప్ప నిలకడైన నిర్ణయం తీసుకుందని వైఎస్సార్‌సీపీ రాష్ట్ర అధికార ప్రతినిధి, కోడూరు నియోజకవర్గ ఇన్ఛార్జ్, మాజీ శాసనసభ్యులు కొరముట్ల శ్రీనివాసులు వెల్లడించారు. పార్టీ కోసం రాత్రింబవళ్ళు శ్రమించే కార్యకర్తల సంక్షేమానికి అధినేత జగన్ మోహన్ రెడ్డి నేతృత్వంలో నిరంతరం ప్రాధాన్యం ఇస్తున్నామని స్పష్టం చేశారు.
​ప్రమాదవశాత్తు ఏ కార్యకర్త అయినా ప్రాణాలు కోల్పోతే, ఆ కుటుంబం రోడ్డున పడకుండా పార్టీ తరఫున రూ.5 లక్షల ఆర్థిక సహాయాన్ని అందించే బృహత్తర కార్యక్రమానికి శ్రీకారం చుట్టారు. వైఎస్సార్‌సీపీ గుర్తింపు కార్డులు ఉన్న ప్రతి కార్యకర్తకూ ఈ భరోసా వర్తిస్తుందని ఆయన తెలిపారు. దురదృష్టవశాత్తు ప్రమాదం జరిగిన పది రోజుల్లోనే ఆ పరిహారం బాధిత కుటుంబానికి అందేలా అత్యంత వేగవంతమైన వ్యూహాన్ని అమలు చేస్తున్నారని పేర్కొన్నారు.
​సంబంధిత నియోజకవర్గ ఇన్ఛార్జ్ లు స్వయంగా బాధిత కుటుంబాన్ని నేరుగా పరామర్శించి, రూ.5 లక్షల చెక్కును వారి చేతులకు అందజేస్తారని తెలిపారు. కార్యకర్తల సంక్షేమమే ధ్యేయంగా, ప్రతి కష్టకాలంలోనూ వారి వెన్నంటే ఉంటూ ఆదుకుంటామనే బలమైన నమ్మకాన్ని పార్టీ శ్రేణుల్లో ఈ నిర్ణయం నింపుతోందని ఆయన స్పష్టం చేశారు.