మిథున్ రెడ్డి పుట్టినరోజున 'రక్తదానం'.. మానవత్వం చాటుకున్న తల్లం భరత్ కుమార్ రెడ్డి శ్రేణులు

మిథున్ రెడ్డి పుట్టినరోజున 'రక్తదానం'.. మానవత్వం చాటుకున్న తల్లం భరత్ కుమార్ రెడ్డి శ్రేణులు
రైల్వే కోడూరు సెప్టెంబర్ 12 జై భీమ్ వాయిస్ టుడే:
​రాజంపేట పార్లమెంట్ సభ్యులు పీవీ మిథున్ రెడ్డి జన్మదిన వేడుకలు మంగంపేటలో వైఎస్సార్ కాంగ్రెస్ పార్టీ రాయలసీమ జోన్ బూత్ కమిటీ అధ్యక్షులు, డిఆర్ యుసిసి సభ్యులు తల్లెం భరత్ కుమార్ రెడ్డి ఆధ్వర్యంలో శుక్రవారం ఉదయం పండుగ వాతావరణంలో అంబరాన్నంటాయి. ప్రభాత సమయాన్నే కట్టా పుట్టాలమ్మ అమ్మవారి దివ్య సన్నిధిలో ప్రత్యేక పూజలు, అభిషేకాలు నిర్వహించి ప్రజా నాయకుడు ఆయురారోగ్యాలతో వర్ధిల్లాలని ఆధ్యాత్మిక నీరాజనాలు అర్పించారు. అనంతరం విచ్చేసిన భక్తులకు అల్పాహార విందు ఏర్పాటు చేశారు. మంగంపేట బైపాస్ వద్ద కార్యకర్తల ఉత్సాహ కేరింతల నడుమ భారీ కేక్ కట్ చేసి శుభాకాంక్షలు తెలుపుకున్నారు. కేవలం సంబరాలకే పరిమితం కాకుండా మానవత్వంతో ఉచిత రక్తదాన శిబిరం, నిరుపేద మహిళలకు చీరల పంపిణీ చేపట్టి సైతం గుర్తించే మహోన్నత వ్యక్తిత్వం మిథున్ రెడ్డిది అని ఈ సందర్భంగా భరత్ కుమార్ రెడ్డి కొనియాడారు. రాజంపేట లోక్‌సభ వేదికగా రైల్వేకోడూరు ప్రాంతంలో అండర్ బ్రిడ్జ్‌లు, విశాల జాతీయ రహదారులు, స్వచ్ఛమైన మినరల్ వాటర్ ప్లాంట్లు, దివ్యాంగులకు ఉచిత మోటార్ బైక్ ల పంపిణీతో నియోజకవర్గ రూపురేఖలు మార్చిన ఘనత ఆయనకే దక్కుతుందన్నారు. విదేశాల్లో మరణించిన నిరుపేదల భౌతికకాయాలను ఉచితంగా స్వగ్రామాలకు చేర్చేందుకు సొంత నిధులతో అంబులెన్స్ సౌకర్యాన్ని కల్పించిన కరుణామయుడని పేర్కొన్నారు. ఈ వేడుకల్లో స్థానిక నేతలు, ఉత్సాహవంతమైన యువత, వైఎస్సార్సీపీ శ్రేణులు, మహిళలు విశేషంగా పాల్గొని ఎంపీ మిథున్ రెడ్డికి ఆత్మీయ జన్మదిన శుభాకాంక్షలు అందజేశారు. కార్యక్రమంలో పార్టీ నాయకులు డాక్టర్ వెంకటసుబ్బయ్య, ఓరుగంట అనిల్, స్వామి రెడ్డి, అద్దె వెంకటేషు, మొగిలి, నవీన్, చంటి, సుబ్రహ్మణ్యం, రమణ, వెంకటేషు, ఇర్ఫాన్, శీను, బాలసుబ్రమణ్యం, ప్రకాష్, రాజ్యము, సుంకమ్మ, వెంకటమ్మ, మణిమ్మ, వెంకటసుబ్బయ్య, సుబ్బరాయుడు తదితరులు పాల్గొన్నారు.