వర్షంలోనూ తగ్గని ఉత్సాహం: మౌనిక విజయానికి వైఎస్సార్ కాంగ్రెస్ పార్టీ శ్రేణుల ప్రచారం

వర్షంలోనూ తగ్గని ఉత్సాహం: మౌనిక విజయానికి వైఎస్సార్ కాంగ్రెస్ పార్టీ శ్రేణుల ప్రచారం
రైల్వే కోడూరు నవంబర్ 2 జై భీమ్ వాయిస్ టుడే:
​తిరుపతి జిల్లా రైల్వేకోడూరు నియోజకవర్గ పరిధిలోని మంగంపేటలో వైఎస్సార్ కాంగ్రెస్ పార్టీ వాతావరణం పండుగలా మారింది. అక్కడ జరుగుతున్న ఎంపీటీసీ ఎన్నికల్లో పార్టీ అభ్యర్థి మౌనిక తరఫున నాయకులు, కార్యకర్తలు విస్తృతంగా ప్రచారం నిర్వహించారు. కురుస్తున్న భారీ వర్షాన్ని సైతం లెక్కచేయకుండా ప్రజా క్షేత్రంలోకి దిగిన నాయకులు ఫ్యాన్ గుర్తుపై ఓటు వేసి, ఆమెను అత్యధిక మెజార్టీతో గెలిపించాలని కోరారు.
​ఈ ప్రచార కార్యక్రమంలో రాయలసీమ జోన్ బూత్ కమిటీ అధ్యక్షుడు భరత్ కుమార్ రెడ్డి, నియోజకవర్గ నాయకులు శిగమల సతీష్ రెడ్డి, సీనియర్ నాయకులు కౌలూరు సుబ్రమణ్యరెడ్డి భాగస్వాములయ్యారు. వారితో పాటు మాజీ వార్డు సభ్యులు మేకల రమణయ్య, గల్లా శ్రీనివాసులు, యూత్ విభాగం అధ్యక్షుడు అద్దె వెంకటేష్, విద్యార్థి విభాగం అధ్యక్షుడు శివకుమార్ రెడ్డి, గ్రామ కమిటీ ప్రధాన కార్యదర్శి సుబ్బూర రెడ్డి తదితరులు పాల్గొని ఇంటింటికీ తిరుగుతూ మద్దతు సేకరించారు. వర్షంలోనూ గ్రామంలో కొనసాగిన ఈ ఉత్సాహపూరిత ప్రచారం స్థానికంగా అందరి దృష్టినీ ఆకర్షించింది.